İtaliya baş nazirinin müavini və xarici işlər naziri Antonio Tajani ABŞ ilə mümkün tarif danışıqlarında Avropa İttifaqı (Aİ) Komissiyasına dəstək verəcəklərini açıqlayıb.
Elchi.az xəbər verir ki, ABŞ-ın tətbiq etmək qərarına gələn tariflərə reaksiyanı təyin etmək üçün Lüksemburqda keçirilən AB-yə üzv ölkələrin ticarət nazirlərinin toplantısına qatılan Tajani görüşdən əvvəl İtaliya mətbuatına açıqlama verib.
“Biz Birləşmiş Ştatlar və şirkətlərimiz üçün fəlakətli olacaq ticarət müharibəsindən qaçmaq üçün mütləq çalışmalıyıq. Danışıqlar aparmalıyıq, vahid Aİ bunu etməlidir”, – Tajani deyib.
İtaliya hökumətinin bu mövzuda Aİ Komissiyasını çətin vəziyyətə salmaq niyyətində olmadığını və Aİ-nin ticarət üzrə komissarı Maros Şefçoviçə güvəndiklərini ifadə edən Tajani:
“Şefçoviçlə danışıqlarda dialoq əlamətləri var. Bu, başını aşağı salmaq demək deyil, kürəyini düz tutmalısan. İtaliya Şefçoviçin bütün təşəbbüslərini dəstəkləyəcək”.
Antonio Tajani Aİ-nin polad və alüminiuma qarşı əks rüsumlar elan etməsinə heç bir etirazı olmadığını bildirib, lakin qeyd edib ki, planlaşdırılan 9 aprel əvəzinə aprelin 30-na qədər təxirə salınması nəzərdən keçirilə bilər.
Tajani İtaliyanın baş naziri Giorgia Meloni-nin yaxın həftələrdə ABŞ-a səfər edəcəyi xəbərinə də toxunaraq, belə bir səfərin faydalı olacağına ümid etdiyini və ABŞ-ı dialoqa razı salmaları lazım olduğunu söylədi.
Baş nazir Meloni bu gün axşam saatlarında kabinetində müvafiq nazirlərin iştirakı ilə ABŞ tarifləri ilə bağlı “işçi qrupu” yaradacaq və vəziyyəti dəyərləndirəcək.
İtaliyanın ANSA agentliyinin məlumatına görə, Milan Birjası ABŞ prezidenti Donald Trampın ötən həftə açıqladığı tariflərin səbəb olduğu pul bazarlarında davam edən qarışıqlıq səbəbindən açılışda yüzdə 7,4 dəyər itirib.
Nuranə Məmmədova
