Nefroloq Danila Pyrikov böyrəkləri məhv edən üç gündəlik vərdişin adını çəkdi.
Elchi.az xəbər verir ki, həkim bu barədə özünün YouTube kanalında danışıb.
Pyrikovun qeyd etdiyi kimi, həddindən artıq duz istehlakı böyrək problemlərinə səbəb olur.Gündə beş qram norma hesab olunur, lakin ruslar, statistikaya görə, bu həddi iki dəfədən çox keçirlər. Üstəlik, insanlar çox vaxt çoxlu duz istehlak etdiklərinin fərqinə varmırlar, çünki o, kolbasa, sosiska, pendir, köftə, çips və kruton kimi yarımfabrikatların tərkibində gizlənir.
Bundan əlavə, həkimin sözlərinə görə, hazırda populyarlıq zirvəsində olan yüksək proteinli pəhrizlər böyrəkləri məhv edir. Sağlam insanlarda problemlər olmaya bilər, lakin bu orqanın xəstəlikləri varsa, proqnoz daha da pisləşir. Həkim həmçinin müxtəlif pəhriz əlavələrindən istifadə edərkən diqqətli olmağa çağırıb, çünki böyrək patologiyalarının 25 faizinin səbəbkarı bunlardır.
Daha əvvəl nefroloq Valeri Şilo bildirib ki, evdə böyrək çatışmazlığından şübhələnmək olar. Onun sözlərinə görə, ağız qoxusu xəstəlikdən xəbər verir.
Nuranə Məmmədova
