Yatmadan əvvəl yataqda ekran qarşısında vaxt keçirən insanların yuxusuzluq və yuxu itkisinə daha çox məruz qaldığı müəyyən edilib.
Elchi.az xəbər verir ki, Norveçdə aparılan və 18-28 yaş arası 45.200-dən çox tələbənin iştirak etdiyi araşdırma , yatmazdan əvvəl yataqda ekran qarşısında keçirdiyi vaxt ilə yuxu rejimi arasındakı əlaqəni şübhə altına alıb.
İştirakçılardan filmlərə baxmaq, sosial mediadan istifadə etmək, internetdə sörf etmək və oyun oynamaq da daxil olmaqla yatdıqdan sonra ekran vaxtı ilə məşğul olduqları fəaliyyətləri müəyyən etmələri istənilib.
Araşdırmalar nəticəsində yatmazdan əvvəl yataqda ekrana baxaraq vaxt keçirənlərin yuxusuzluq və yuxu itkisinə daha çox məruz qaldığı müəyyən edilib.
Məlum olub ki, yataqda və ekran qarşısında keçirilən hər saat “yuxusuzluq riskinin 59 faiz artması və 24 dəqiqə daha az yuxu ilə əlaqələndirilir”.
Norveç Xalq Sağlamlığı İnstitutundan Dr. Gunnhild Johnsen Hjetlandın rəhbərlik etdiyi araşdırmanın təfərrüatları dünən “Frontiers” beynəlxalq elmi jurnalında dərc olunub.
Nuranə Məmmədova
