Misir İsrailin Suriyaya hücumuna reaksiya verib və bunun Suriyanın suverenliyi və beynəlxalq hüququn pozulması olduğunu bildirib.
Elchi.az xəbər verir ki, Misir Xarici İşlər Nazirliyi yazılı açıqlamada, İsrailin Suriya ərazisinə son hücumlarını kəskin şəkildə pisləyib
Beynəlxalq hüququn açıq şəkildə pozulması olduğu bildirilən bu hücumların həm də qardaş Suriyadakı vəziyyətdən istifadə edərək dövlətin suverenliyini, müstəqilliyini və ərazi bütövlüyünü pozduğu bildirilib.
Misir nüfuzlu beynəlxalq aktorları “İsrailin dəfələrlə etdiyi pozuntulara görə məsuliyyəti öz üzərinə götürməyə, həmçinin Təl-Əvivi Suriya ərazisinin işğalına son qoyması və 1974-cü il qüvvələrin ayrılması haqqında sazişə hörmət etməsi üçün təzyiq göstərməyə” çağırıb.
İsrail ordusu ötən gecə Həma hava limanı və onun ətraf ərazilərinə 14-dən çox hava hücumu təşkil edib, həmçinin Homs vilayətindəki T4 Hərbi Hava Limanına və paytaxt Dəməşqdəki hərbi infrastruktura, Dəra vilayətinin qərbinə isə minaatan və artilleriya zərbələri endirib. və Suriyanın suverenliyini pozan cənub bölgəsinin tərksilah edilməsini tələb edib.
Nuranə Məmmədova
