Macarıstan hökuməti Beynəlxalq Cinayət Məhkəməsini (BCM) tərk etmək qərarına gəldiyini açıqlayıb.
Elchi.az xəbər verir ki, bu barədə Macarıstan hökumətinin sözçüsü Zoltan Kovacs sosial media hesabında qeyd edib:
“Macarıstan Beynəlxalq Cinayət Məhkəməsini tərk edir”.
Bundan başqa, dövlət naziri Gergely Gulyas da hökumətin BCM-dən çıxma qərarı verdiyini açıqladı.
Gulyas qeyd edib: “Macarıstanın konstitusiya və beynəlxalq hüquqi öhdəliklərinə uyğun olaraq, geri çəkilmə prosesi cümə axşamı başlayacaq”.
Bu qərar BCM tərəfindən həbsinə order verilmiş İsrailin baş naziri Benyamin Netanyahunun Macarıstana səfəri zamanı qəbul edilib.
Qeyd edək ki, Macarıstan 15 yanvar 1999-cu ildə Roma Statutunu imzalayıb və ratifikasiya sənədini 30 noyabr 2001-ci ildə saxlanca təhvil verib. BCM-i yaradan Roma Statutu 1 iyul 2002-ci ildə qüvvəyə minib.
Yeganə
