Marin Le Penin həbsə məhkum edilməsi və siyasətdən qadağa qoyulmasından sonra Fransada qarışıqlıq hökm sürür. Qərar verən hakimlər ölümlə hədələnərkən, hətta ABŞ-dan Tramp və İlon Mask da işə qarışaraq hökmü sərt şəkildə tənqid ediblər. Fransa polisi araşdırmaya başlayıb və məhkəmə sistemi mühafizə altına alınıb.
Elchi.az xəbər verir ki, Fransa ifrat sağçı siyasətçi Marin Le Penin mənimsəmə ittihamı ilə həbs cəzasına məhkum edilməsindən sonra yaranan böhrandan sonra qarışıqlıq içindədir.
2027-ci il prezidentlik yarışının ən güclü namizədlərindən biri olan Le Penə hökm çıxaran fransız hakimlər, o, dörd il həbs və beş il dövlət vəzifəsində işləmək qadağasına məhkum edildikdən sonra ölüm təhdidləri ilə üzləşib.
Marin Le Peni mühakimə edən Paris Cinayət Məhkəməsinin sədri Benedikt de Pertuis təhdidlərdən sonra polisin himayəsi altına alınıb. Ölkədə qarışıqlıq yarandığı bir vaxtda Fransa polisi hadisə ilə bağlı təcili araşdırmalara başlayıb.
Le Pen bu qərarı “sistemin özünə qarşı atdığı nüvə bombası” kimi qiymətləndirib. O, həm Fransa parlamentində, həm də Le Parisien-ə verdiyi müsahibədə bu qərarı siyasi olaraq müdafiə edib və işi Avropa İnsan Haqları Məhkəməsinə verəcəyini açıqlayıb.
Bazar ertəsi elan edilən qərar Fransada böyük əks-səda doğurdu, Le Pen tərəfdarları sosial mediada hakimləri təhdid etdi və ölkə daxilində təhlükəsizlik tədbirləri gücləndirildi. Baş nazir Fransua Bayrou və prezident Emmanuel Makron məhkəmə sisteminin müstəqilliyini vurğulayaraq təhdidləri kəskin şəkildə pisləyiblər.
Qərar təkcə Fransada deyil, bütün dünyada əks-səda doğurdu. Donald Tramp və İlon Mask Le Penin məhkumluğunu “hüquq sistemini silahlandıran radikal solçu” adlandırıblar. Bu bəyanatlar beynəlxalq miqyasda da müzakirələrə səbəb olub.
Fransa apellyasiya məhkəməsi 2026-cı ilin yayına qədər iş üzrə qərar verməyi hədəfləyir. Şikayət rədd edilərsə, Le Penin B planı hazırdır: 29 yaşlı RN lideri Jordan Bardellanın namizədliyi müzakirə olunur. Le Penin siyasi gələcəyi Fransada hüquqi nizam və demokratiyanın qavranılması baxımından tarixi dönüş nöqtəsinə daxil olub.
Nuranə Məmmədova
