Dünya Bankı Nigeriyada təhsil, qidalanma və iqtisadi artımı dəstəkləmək üçün 1,08 milyard dollarlıq ümumi maliyyə paketini təsdiqləyib.
Elchi.az xəbər verir ki, Dünya Bankı Nigeriyada təhsilin keyfiyyətinin yaxşılaşdırılması, ev təsərrüfatlarının və icmaların dayanıqlığının gücləndirilməsi və əlverişsiz qruplar üçün qidalanma standartlarının yaxşılaşdırılması üçün ümumi məbləği 1,08 milyard dollar olan yeni kredit paketinin təsdiq edildiyini açıqlayıb.
Bəyanatda kreditin ilkin olaraq Covid-19 pandemiyasına cavab vermək üçün nəzərdə tutulduğu, lakin 2023-cü ildə həyata keçirilən iqtisadi islahatlardan sonra Nigeriyanın üzləşdiyi iqtisadi çətinliklərin öhdəsindən gəlməkdə dəstək məqsədi daşıdığı qeyd edilib.
Bəyanatda bildirilib ki, kreditin 500 milyon dolları iqtisadi stimullaşdırma proqramına, 500 milyon dolları təhsilə, qalan məbləğ isə Nigeriyada qidalanma standartlarının yaxşılaşdırılmasına ayrılacaq.
Dünya Bankının Nigeriya üzrə Direktoru Ndiame Diop, kreditlə bağlı verdiyi açıqlamada, bu kreditin Nigeriyada sosial və iqtisadi inkişafı dəstəkləyəcəyini və xüsusilə əlverişsiz təbəqələr üçün həyat standartlarını yüksəldəcəyini söylədi.
Diop həmçinin qeyd edib ki, kredit yerli icmaların dayanıqlığını artırmaq və uzunmüddətli iqtisadi sabitliyi təmin etmək məqsədi daşıyır.
Nuranə Məmmədova
