Fransa prezidenti Emmanuel Makron ABŞ prezidenti Donald Trampın yeni gömrük tariflərini sərt və lazımsız hesab etdiyini bildirib.
Elchi.az xəbər verir ki, Makron bu barıdı paytaxt Parisdə tariflərdən təsirlənəcək sektorların nümayəndələri ilə görüşündə bildirib.
Trampın qərarını sərt və yersiz hesab etdiyini ifadə edən Makron ABŞ-ın bu addımının Avropadakı bütün sektorlara və ixracata ciddi təsir edəcəyini vurğulayıb.
Makron ABŞ-da fəaliyyət göstərən fransız şirkətlərindən Trampın Avropa İttifaqına (AB) qarşı tarif artımı açıqlaması aydınlaşana qədər bu ölkədəki bütün investisiya layihələrini dayandırmağı xahiş edib.
Avropalıları bu vəziyyət qarşısında birliyə davam etməyə çağıran Makron, Aİ-nin yaxın günlərdə ABŞ-a qarşı atacağı addımlar barədə məlumat verib.
Emmanuel Makron Trampın qərarlarının ABŞ və xalqını zəiflədəcəyini qiymətləndirərək, Qərbdə sənayesizləşdirməyə qarşı gömrük tarifləri tətbiq etmək əvəzinə daha çox istehsal edilməsi lazım olduğunu müdafiə etdi.
Yeganə
