Amerika alimləri düyü dənəsindən də kiçik olan və bədənə yeridilə bilən dünyanın ən kiçik kardiostimulyatorunu hazırlayıblar. Müvəqqəti ürək tənzimləyicisi kimi hazırlanmış bu yeni cihaz işıqla idarə oluna bilir və müəyyən müddətdən sonra bədəndə əriyəcək.
Elchi.az xəbər verir ki, alimlər insanlar üzərində sınaqdan keçirilməsinə hələ bir neçə il qaldığını desələr də, bu simsiz kardiostimulyator tibbdə yenilikçi ixtira hesab olunur.
Müvəqqəti kardiostimulyatorlara yeni alternativ
Dünyada milyonlarla insan ürək ritmini tənzimləmək üçün elektrik impulsları göndərən daimi kardiostimulyatorlara ehtiyac duyur. Bununla belə, yeni hazırlanan cihazın xüsusilə anadangəlmə ürək xəstəliyi ilə doğulan körpələr və əməliyyatdan sonra müvəqqəti kardiostimulyatora ehtiyacı olanlar üçün əhəmiyyətli bir həll olacağı gözlənilir.
Yetkin xəstələrdə ürək əməliyyatından sonra normal ritmlərinə qayıtmalarına kömək etmək üçün istifadə oluna biləcəyi də bildirilir.
Cari müvəqqəti kardiostimulyatorlar ürək əzələsinə tikilmiş elektrodlarla və xəstənin döş qəfəsinə qoşulan naqillərlə işləyir. Bununla belə, batareyanın çıxarılması zamanı bəzi fəsadlar yarana bilər. Məsələn, 2012-ci ildə müvəqqəti kardiostimulyator çıxarılan amerikalı astronavt Nil Armstronqun daxili qanaxmadan öldüyü məlumdur.
Orqanizmdə öz-özünə həll olur
Cəmi 1 millimetr qalınlığında və 3,5 millimetr uzunluğunda yeni hazırlanmış simsiz kardiostimulyator şprisin ucuna sığacaq qədər kiçikdir.
Cihaz xəstənin sinəsinə yapışdırılmış yumşaq yamaq ilə birləşdirilir. Yamaq nizamsız ürək döyüntülərini aşkar etdikdə, kardiostimulyatora hansı ritmin stimullaşdırılması lazım olduğunu bildirmək üçün işıq siqnalları göndərir.
Bildirilib ki, kimyəvi enerjidən bədən mayeləri vasitəsilə elektrik enerjisi istehsal edən qalvanik hüceyrə ilə işləyən qurğu indiyədək laboratoriya mühitində siçan, siçovul, donuz, it və insan ürək toxumalarında uğurlu nəticələr verib.
Tibbdə əsaslı inkişaf
Tədqiqatın baş müəllifi ABŞ-ın Northwestern Universitetindən Prof. Dr. Mehmet Özcandır. Con Rocers bildirdi ki, kardiostimulyator 2-3 il ərzində insanlarda sınaqdan keçirilə bilər.
Tədqiqatı qiymətləndirən Çikaqo Universitetindən Bozhi Tian, ”Bu yeni kardiostimulyator tibbi texnologiyada bir inqilabdır. O, təkcə kardiologiyada deyil, sinirlərin bərpası, yaraların sağalması və ağıllı implantlar kimi bir çox sahədə də yeni imkanlar təqdim edə bilər” dedi.
Ümumdünya Səhiyyə Təşkilatının (ÜST) məlumatına görə, ürək xəstəlikləri dünyada ən çox ölümə səbəb olan xəstəliklər sırasındadır.
Şayəstə Hüseynova
