ABŞ-ın Texas ştatının Frisko şəhərində atletika yarışlarında baş verən davada bir tələbə ölüb.
Elchi.az xəbər verir ki, Texas ştatının Frisko Polis İdarəsindən verilən açıqlamada , dünən səhər saatlarında bölgədəki bir çox məktəbin iştirakı ilə keçirilən yarış zamanı iki şagird arasında davanın çıxdığı bildirilib.
Dava zamanı bıçaqlanan tələbələrdən birinin ağır yaralandığı bildirilib. Hadisə yerinə gələn polis və sağlamlıq qruplarının bütün müdaxilələrinə baxmayaraq, 17 yaşlı tələbə Ostin Metkalf həyatını itirib. Polis Frisco Centennial Liseyinin şagirdi olan 17 yaşlı Karmelo Anthony-nin nəzarətə götürüldüyünü və birinci dərəcəli qətldə ittiham edildiyini bildirib. Səlahiyyətlilər hadisə ilə bağlı istintaqın davam etdiyini bildiriblər.
Nuranə Məmmədova
