Fransa Prezidenti Emmanuel Makron gömrük rüsumlarının artırılmasına cavab olaraq ABŞ-nin rəqəmsal sektoruna qarşı tədbirlər görülməsi ehtimalını gündəmə gətirib.
Elchi.az TASS-a istinadən xəbər verir ki, o, bu barədə Yelisey sarayında hökumət və aparıcı şirkətlərin rəhbərləri ilə görüşdə bildirib.
“Qısamüddətli perspektivdə heç nəyi istisna etmək olmaz. Gömrük rüsumlarının artırılması, müxtəlif cavab tədbirlərdən istifadə etmək, ABŞ-nin Avropada böyük fayda əldə etdiyi rəqəmsal sektorda mümkün addımlar atmaq…”, – Makron deyib.
Onun sözlərinə görə, Avropanın ABŞ-nin qərarına cavabı qəti və konsolidasiya edilmiş olmalıdır.
Xatırladaq ki, aprelin 2-də ABŞ Prezidenti Donald Tramp Vaşinqtonun bir çox ölkədən idxala gömrük rüsumları tətbiq edəcəyini və Aİ-yə 20 % dərəcəsi tətbiq ediləcəyini açıqlamışdı.
