Yəməndəki husilər ABŞ-ın Yəmənə endirməyə hazırlaşdığı iki hava hücumunun qarşısını aldıqlarını açıqlayıb.
Elchi.az xəbər verir ki, Husilərin hərbi sözçüsü Yəhya Seri verdiyi açıqlamada, düşmən döyüş gəmilərinin, xüsusilə ABŞ-ın “Truman” təyyarədaşıyıcısının Qırmızı dənizdə raket və pilotsuz təyyarələrlə hədəf alındığını bildirib.
Seri saatlarla davam edən və son 24 saatda ikinci dəfə baş verən qarşıdurmada ABŞ-ın Yəmənə endirməyə hazırlaşdığı iki hava hücumunun qarşısını aldıqlarını bildirib.
ABŞ-ın Yəmənə hücumlarını dəf etdiklərini qeyd edən Seri, fəsadları və nəticələrindən asılı olmayaraq Fələstin xalqına qarşı mənəvi, dini və humanitar məsuliyyətlərindən əl çəkməyəcəklərini bildirib. Husilərə bağlı Ali Siyasi Şuranın rəhbəri Mehdi əl-Məşət də Qəzza zolağına dəstək vermək və ABŞ-ın təcavüzünə qarşı çıxmaqda qərarlı olduqlarını bildirib.
Yəmənin SABA xəbər agentliyinin məlumatına görə, Məşaat İran prezidenti Məsud Pezeşkian ilə telefon danışığında “Yəmənin iradəsi və möhkəm mövqeyi var, Qəzza məsələsində qərarlıdırlar və ABŞ-ın hücumlarından qorxmurlar” deyib.
Meşat və Pezeşkian vurğuladılar ki, ərəb və islam ölkələri ortaq mövqe tutsalar, birləşsələr, məqsədlərinə çatacaq və qələbə qazanacaqlar.
Nuranə Məmmədova
