Rusiya və Ukrayna apreldə hər iki ölkədəki əsirlər üçün ayrı-ayrılıqda 1,5 min bağlama göndərəcək.
Elchi.az TASS-a istinadən xəbər verir ki, bunu Rusiyanın insan hüquqları üzrə müvəkkili (Ombudsman) Tatyana Moskalkova bildirib.
“Üçüncü dəfədir ki, evdən məktublar, uşaq rəsmləri, müxtəlif əşyaların göndərilməsi aksiyası keçirəcəyik. Bağlamalar toplanıb və bu ay onların təhvil verilməsinə başlanacaq. Hər iki tərəfdən 1500 bağlama var”, – o bildirib.
Ombudsman vurğulayıb ki, bu aksiyada Beynəlxalq Qırmızı Xaç Komitəsi fəal şəkildə iştirak edir. “Onlar həqiqətən kömək edirlər”, – T.Moskalkova əlavə edib.
