Amerikalı milyarder İlon Maskın Hökumətin Səmərəliliyi Departamentindəki (DOGE) komandası ABŞ Beynəlxalq İnkişaf Agentliyinin (USAID) əməkdaşlarına işdən çıxarılma ilə bağlı səhvlərin yer aldığı bildirişlər göndərib.
Elchi.az xəbər verir ki, bu barədə “Reuters” agentliyi mənbələrə istinadən məlumat yayıb.
Agentlik bildirib ki, işdən çıxarılan işçilərin pensiya və əməkhaqqı ödənişləri ilə bağlı problemlərin qarşısını almaq üçün DOGE-nin əməkdaşları bildirişləri yenidən tərtib etməli olacaqlar. Mənbələrin sözlərinə görə, əgər səhvlər düzəldilməsə, bu, pensiyaların azaldılmasına və ya ləğvinə, həmçinin işdən çıxarılma zamanı ödənişlərin məbləğinin qeyri-dəqiq olmasına səbəb ola bilər.
