Belarus prezidenti Aleksandr Lukaşenko dövlət orqanlarının bir-birinin səlahiyyətlərinə müdaxiləsini, habelə əsassız məsləhətləşmələr aparmasını qadağan edən direktiv imzalayıb.
Elchi.az bu barədə “Belta” agentliyinə istinadən xəbər verir.
“Təlimata əsasən, dövlət orqanlarının və vəzifəli şəxslərin bir-birinin səlahiyyətlərinə müdaxiləsi yolverilməzdir”, – deyə prezidentin mətbuat xidmətindən bildirilib.
Direktiv həmçinin qanunvericilik aktlarında bilavasitə nəzərdə tutulanlar istisna olmaqla, idarəetmə orqanlarını əvəz edən şuraların, komissiyaların, qrupların və digər ekspert-məsləhət strukturlarının yaradılması və fəaliyyətini də istisna edir.
“Əsassız məsləhətləşmələrin, o cümlədən distant formatda aparılması qadağandır”, – sənəddə qeyd olunub.
Mətbuat xidmətində qeyd olunduğu kimi, sənəd idarəetmə orqanları sisteminin səmərəliliyinin, idarəetmənin səmərəliliyinin köklü şəkildə artırılmasına, icra intizamının və hər kəsin əməyə sosial məsuliyyətli münasibətinin gücləndirilməsinə yönəlib.
Yeganə
