İtaliyanın baş naziri Giorgia Meloni ABŞ-ın Avropa İttifaqına (Aİ) tariflər tətbiq etmək qərarının “yanlış tədbir” olduğunu bildirib.
Elchi.az xəbər verir ki, ABŞ prezidenti Donald Trampın dünən digər ölkələrə qarşılıqlı tariflər tətbiq edəcəklərini açıqlamasının ardından İtaliya AB ilə də qarşılıqlı tariflərin 20 faiz olmasının nəzərdə tutulmasına reaksiya verib.
Baş nazir Meloni Facebook sosial şəbəkəsindəki paylaşımında “ABŞ-ın Aİ-yə tariflər tətbiq etməsini yanlış addım hesab edirəm və heç bir tərəfin marağında deyil” deyib.
Ticarət müharibələrinin risklərinə diqqət çəkən Meloni qeyd edib: “ABŞ ilə razılığa gəlmək üçün əlimizdən gələni edəcəyik. Çünki belə bir ticarət müharibəsinin Qərbi zəiflədəcəyinə və digər qlobal aktorların xeyrinə işləyəcəyinə inanırıq. Hər halda, biz həmişə olduğu kimi, İtaliyanın və onun iqtisadiyyatının maraqlarını qoruyaraq, digər avropalı tərəfdaşlarımızla məsləhətləşərək hərəkət edəcəyik”.
Baş nazirin müavini və Xarici İşlər Naziri Antonio Tajani də X platformasındakı yazısında ABŞ ilə tarif müharibəsindən qaçınmaq lazım olduğunu bildirərək, “Çünki bu, həm ABŞ, həm də Avropa vətəndaşlarına zərər verəcək. Biz artıq AB və Avropadakı tərəfdaşlarımızla vəziyyəti qiymətləndirmək və ümumi cavab hazırlamaq üçün işləyirik. Dialoqa əsaslanan praqmatik yanaşmaya əsaslanan cavab lazımdır” deyib.
Şayəstə Hüseynova
