Meksika Səhiyyə Nazirliyi ölkədə ilk dəfə olaraq “H5N1” quş qripi ştammının insanda aşkar edildiyini açıqlayıb.
Elchi.az xəbər verir ki, Nazirlikdən verilən məlumata görə , Duranqo əyalətinin şimalında 3 yaşlı qız uşağının quş qripi olduğu təsdiqlənib . Aprelin 1-də köçürüldüyü Torreon şəhərindəki xəstəxanada qızın “H5N1” virusu üçün testi müsbət çıxıb.
Vəziyyəti hələ də ağır olan uşağın müalicəsi xəstəxanada davam etdirilir.
Meksika səlahiyyətliləri H5N1-in insandan insana ötürüldüyünə dair hələ heç bir sübut olmadığını vurğuladılar.
Səlahiyyətlilər xəstə və ya ölü ev quşları və ya vəhşi heyvanlarla təmasdan sonra öskürək, tənəffüs çətinliyi, baş ağrısı, qusma və ya qızartı kimi şübhəli simptomlar yaranarsa, həkimə müraciət etməyi tövsiyə edir.
