“Fransa Milli Mitinq Partiyasının parlament fraksiyasının lideri Marin Le Penə hökm oxunması qanunun söz azadlığını boğmaq üçün istifadə edilməsinə nümunədir”.
Elchi.az xəbər verir ki, bu sözləri ABŞ prezidenti Donald Tramp “Truth” sosial şəbəkəsindəki səhifəsində siyasətçiyə qarşı məhkəmə qərarını şərh edərkən yazıb.
O, Le Penin məhkəməsini “cadugər ovu” adlandırıb.
“Bu, Avropa solunun qanundan azad sözü sıxışdırmaq və siyasi rəqibini senzura etmək üçün istifadə etməsinin nümunəsidir”,-deyən Tramp, bunun üçün rəqibin həbsə atıldığını əlavə edib.
Onun sözlərinə görə, bu cür siyasi mübarizə üsulları Co Bayden dövründə keçmiş ABŞ administrasiyasının apardığı üsullara bənzəyir.
“Hansı tərəfdə olmağından asılı olmayaraq, bütün bunlar Fransa və böyük fransız xalqı üçün çox pisdir. Marin Le Peni azad edin!” – deyə Tramp tələb edib.
Xatırladaq ki, martın 31-də Paris məhkəməsi Marin Le Pen və Milli Rallinin bir sıra digər deputatlarını Avropa Parlamentinin vəsaitlərinin mənimsənilməsi işi üzrə mühakimə etmişdi. Qərara görə, siyasətçi elektron qolbaqla evində iki il xidmət etməli, 100 min avro cərimə ödəməli, beş il ərzində dövlət seçkilərində iştirak edə bilməz.
Rusiya Federasiyası Hökuməti yanında Maliyyə Universitetinin dosenti Aleksey Martınov bu işi siyasi motivli adlandırıb. Onun sözlərinə görə, bu məhkəmə qərarları ciddi hüquqlardan, o cümlədən seçkilərdə iştirak etmək üçün fundamental hüquqdan məhrumdur.
Yeganə
