image-download-95backend

Qəzzada ölənlərin sayı 50 609 nəfərə çatıb

İsrailin 7 oktyabr 2023-cü il tarixindən etibarən Qəzza zolağına təşkil etdiyi hücumlarda həyatını itirənlərin sayı son 24 saatda 86 nəfər artaraq 50 min 609-a çatıb.
Elchi.az xəbər verir ki, Qəzzada Fələstin Səhiyyə Nazirliyi tərəfindən edilən yazılı açıqlamada İsrailin Qəzzada davam edən hücumlarında ölən və yaralananlarla bağlı son məlumat paylaşılıb.
İsrail ordusunun son 24 saatda həyata keçirdiyi hücumlarda həyatını itirən 86 nəfərin cənazəsinin bölgədəki xəstəxanalara çatdırıldığı bildirilib.
Hücumlarda 287 nəfərin yaralandığı bildirilib.
Yanvarın 19-da razılaşdığı atəşkəsi pozan İsrail ordusunun martın 18-dən bu yana həyata keçirdiyi hücumlarda 1249 fələstinlinin həyatını itirdiyi, 3022 fələstinlinin isə yaralandığı bildirilib.
İsrailin 7 oktyabr 2023-cü il tarixindən etibarən Qəzza zolağına təşkil etdiyi hücumlarda həyatını itirənlərin sayının 50 min 609-a, yaralı sayının isə 115 min 63-ə yüksəldiyi qeyd edilib.
Qəzza zolağında dağıntılar altında hələ də minlərlə ölü olduğu bildirilir.

Nuranə Məmmədova

image-reklam1

  • whatsapp
  • messenger
  • telegram
  • vkontakte
  • odnoklassniki