ABŞ prezidenti Donald Tramp Vyetnam prezidenti Lam ilə görüşərək məhsuldar görüş keçirdiklərini və Vyetnamın ABŞ ilə razılaşa bildiyi təqdirdə tarifləri sıfır faizə endirmək istədiyini bildirib.
Elchi.az xəbər verir ki, Tramp “Truth” sosial media hesabında Lam ilə telefon danışığı haqqında yazı paylaşıb.
Çox məhsuldar bir görüş keçirdiklərini ifadə edən Tramp, “Mənə Vyetnamın ABŞ ilə razılaşa biləcəkləri təqdirdə tarifləri sıfıra endirmək istədiyini söylədi” ifadəsini işlədib.
Tramp Lama təşəkkür edib və yaxın gələcəkdə görüşü səbirsizliklə gözlədiyini bildirib.
ABŞ Vyetnama 46% tarif elan etdi
ABŞ prezidenti Donald Tramp “qurtuluş günü” olaraq xarakterizə etdiyi 2 apreldə ölkələrə tətbiq olunacaq ikitərəfli tarif dərəcələrini açıqlayıb.
Əsas tarif dərəcəsinin yüzdə 10 olacağını bildirən Tramp, digər ölkələrin tətbiq etdiyi tarifləri və tarifsiz maneələri nəzərə alaraq, ölkələrə görə dəyişən gömrük rüsumları dərəcələrini paylaşıb.
Bütün ölkələrə tətbiq edilən 10 faizlik əsas gömrük rüsumunun aprelin 5-dən, ölkələr üçün xüsusi olaraq müəyyən edilmiş yüksək tariflərin isə aprelin 9-da qüvvəyə minəcəyi bildirildi.
Bu çərçivədə ABŞ-ın Vyetnamdan idxalına 46 faiz gömrük rüsumunun tətbiq edilməsi nəzərdə tutulurdu.
Nuranə Məmmədova
