Birləşmiş Millətlər Təşkilatının Ticarət və İnkişaf Konfransı (UNCTAD) qlobal ticarət sisteminin ABŞ-ın yeni tarifləri səbəbindən böyük təhlükə ilə üzləşdiyini bəyan edib.
Elchi.az xəbər verir ki, UNCTAD-ın bəyanatında deyilir ki, dünya ticarət sistemi ABŞ-ın böyümə, investisiya və inkişafda irəliləyişi təhdid edən yeni tariflər tətbiq etməsi ilə kritik bir mərhələyə qədəm qoyub.
” Böyük iqtisadiyyatların radikal yeni vergilər tətbiq etmək ərəfəsində olduğu bir vaxtda UNCTAD qlobal ticarət sisteminin xüsusilə kövrək iqtisadiyyatlar üçün artım, investisiya və inkişafda irəliləyişi təhdid edən kritik bir mərhələyə daxil olduğu barədə xəbərdarlıq edir”, – bəyanatda deyilir.
Bəyanatda ABŞ-ın inkişaf etməmiş ölkələrə və inkişaf etməkdə olan kiçik ada dövlətlərinə tətbiq etdiyi vergilərin nə ticarət kəsirini tarazlaşdıracağına, nə də əhəmiyyətli gəlirlərin əldə edilməsinə töhfə verəcəyinə diqqət çəkilib . Bildirilib ki, ” ABŞ-ın 200-ə yaxın ticarət tərəfdaşından yalnız 10-u xarici ticarət kəsirinin təxminən yüzdə 90-dan məsuldur. Bununla belə, kəsirin yalnız yüzdə 1,6 və yüzdə 0,4-ünü təşkil edən az inkişaf etmiş ölkələr və kiçik ada inkişaf etməkdə olan dövlətlər zərər görür. Bu vergilər nə ticarət balansını əhəmiyyətli dərəcədə azaltmağa kömək edəcək, nə də əhəmiyyətli gəlirlərin qaytarılmasına kömək edəcək.”
Nuranə Məmmədova
