İran prezidenti Məsud Pezeşkian ölkənin heç bir ölkə ilə müharibə istəmədiyini və nüvə enerjisindən dinc məqsədlərlə istifadənin ölkənin təhlükəsizlik və müdafiə doktrinasında yeri olmadığını bildirib.
Elchi.az xəbər verir ki, bu barədə İranın “Mehr” agentliyi yazıb.
O, cümə axşamı axşam saatlarında Səudiyyə Ərəbistanının vəliəhd şahzadəsi Məhəmməd bin Salman ilə telefon danışığında bunu xatırladıb və vurğulayıb ki, İslam ölkələri ümumi maraqlar üzərində qurularaq, öz aralarında birlik və dostluğu gücləndirməklə özləri və region üçün sülh, təhlükəsizlik və tərəqqini ən yüksək səviyyədə təmin edə bilərlər.
Müsəlman ölkələri öz aralarında birlik və dostluq qursalar, bəzi İslam ölkələrinə, o cümlədən Fələstinə və məzlum Qəzza xalqına qarşı zülm və cinayətlərin qarşısını ala bilərlər, dedi.
Səudiyyə Ərəbistanının vəliəhd şahzadəsi bin Salman da öz növbəsində İran prezidentinin müsəlman xalqların birliyi çağırışına görə minnətdarlığını bildirib.
O, İran və Səudiyyə Ərəbistanı arasında əməkdaşlığın artırılmasının regional sabitlik, təhlükəsizlik və inkişaf sahələrində mühüm nailiyyətlərə gətirib çıxaracağına nikbin olduğunu bildirib.
Səudiyyə vəliəhdi həmçinin İran, Səudiyyə Ərəbistanı və digər ölkələr arasında əməkdaşlığın regionda sülhü gücləndirə biləcəyini vurğulayaraq, Ər-Riyadın regionda gərginliyin azaldılması ilə bağlı istənilən problemin həllinə yardım etməyə hazır olduğunu təsdiqləyib.
Yeganə
