Rusiya Müdafiə Nazirliyi ötən həftə Donetsk və Zaporojya vilayətlərində 8 yaşayış məntəqəsini ələ keçirdiklərini bildirib.
Elchi.az xəbər verir ki, Nazirlikdən verilən açıqlamada 29 mart-4 aprel tarixləri arasında Rusiya -Ukrayna müharibəsində Rusiya ordusunun fəaliyyəti ilə bağlı məlumatlar paylaşılıb.
Açıqlamada Ukraynada pilotsuz uçuş aparatlarından (PUA) istifadə edilməklə hərbi elementlərə yüksək dəqiqliklə hücumlar təşkil edildiyi və bu hücumlarda Ukraynanın hərbi infrastruktur elementlərinin, raket və kosmik sənaye müəssisələrinin, hərbi idarəetmə mərkəzlərinin, İHA-ların yığılması və anbar sahələrinin vurulduğu bildirilib.
Bəyanatda bildirilir ki, son bir həftə ərzində Ukraynada 8 yaşayış məntəqəsi Rusiya ordusu tərəfindən ələ keçirilib və “ Donetsk Xalq Respublikasının Panteleymonovka, Rozovka, Zaporojya , Uspenovka, Razliv və Veseloye qəsəbələri , Zaporojye vilayətinin Şerbaki və Lobkovoye qəsəbələri işğal edilib”.
Açıqlamada qeyd olunub ki, müharibə başlayandan indiyədək 660 təyyarə, 283 helikopter, 49 774 İHA, 601 hava hücumundan müdafiə raket sistemi, 22 689 tank və zirehli texnika, 1 534 reaktiv yaylım atəşi sistemi, 23 221 haubitsa və minaatan, 33 69 ədəd xüsusi təyinatlı hərbi texnika məhv edilib.
Rusiya prezidenti Vladimir Putinin 30 sentyabr 2022-ci ildə imzaladığı fərmanla Ukraynanın Donetsk, Luqansk, Zaporojya və Xerson vilayətləri qanunsuz olaraq ilhaq edilib.
Nuranə Məmmədova
