Amerikalı milyarder İlon Maskın atası Errol Mask Rusiya prezidenti Vladimir Putini tərifləməkdən əl çəkə bilməyib. Ata Mask Putin haqqında “Onun kimi liderə heyran olmamaq axmaqlıq olardı” demişdi.
Elchi.az xəbər verir ki, Amerikalı milyarder İlon Maskın atası Errol Mask BBC-yə müsahibəsində çox mübahisəli ifadələr işlədib.
Errol Mask bildirib ki, o və ailəsi Rusiya prezidenti Vladimir Putinə heyrandır. Putinin çıxışlarını dinlədiyini və sözlərində hər zaman məntiq olduğunu deyən Mask, ” Onun kimi bir liderə heyran olmamaq axmaqlıq olardı ” – deyib.
Putinin onun üçün güclü bir lider olduğunu dilə gətirən Errol Mask, ” Onu bir insan olaraq qiymətləndirdiyiniz zaman, sakitliyi və duruşu ilə həqiqətən hörmət doğurur ” – deyib. Errol Maskın sözləri Rusiya mətbuatında da geniş rezonans doğurub.
Müsahibədə Errol Mask oğlu İlon Maskla keçirdiyi şəxsi görüşdən də danışıb. Maskın atasının sözlərinə görə, İlon Ukraynadakı müharibənin birbaşa korrupsiya, oğurluq və saxtakarlığın dərin şəbəkəsi ilə əlaqəli olduğunu müdafiə edib. Mask bildirib ki, korrupsiyanın bu səviyyəsi əvvəllər ağlasığmaz idi.
Nuranə Məmmədova
