Avropa İttifaqı (Aİ) və Özbəkistan, Qazaxıstan, Qırğızıstan, Tacikistan və Türkmənistan əməkdaşlığını “strateji tərəfdaşlıq” səviyyəsinə yüksəltmək qərarına gəldiklərini açıqlayıblar.
Elchi.az xəbər verir ki, Avropa Şurası Özbəkistanın Səmərqənd şəhərində keçirilən Birinci Aİ -Mərkəzi Asiya Sammitinin birgə yekun bəyanatını dərc edib.
Bəyanatda tərəflərin dəyişən qlobal və regional geosiyasi mühitdə daha dərin əməkdaşlığa sadiq olduqlarını bir daha təsdiqlədikləri vurğulanıb və əlavə edilib: “Biz Aİ ilə Mərkəzi Asiya arasında münasibətləri strateji tərəfdaşlığa yüksəltmək qərarına gəldik.”
Bəyanatda Ukraynada hərtərəfli, ədalətli və davamlı sülhün mümkün qədər tez əldə edilməsinin vacibliyi vurğulanıb və “getdikcə mürəkkəbləşən dünyada” kibertəhlükəsizlikdən tutmuş sərhədlərin möhkəmləndirilməsinə qədər ümumi təhlükəsizlik problemlərini həll etməyə hazır olduqları vurğulanıb.
Bəyannamədə Əfqanıstanı demokratik, təhlükəsiz, sabit və firavan bir dövlətə çevirmək üçün ortaq qətiyyət ifadə edilməklə yanaşı, bu ölkə xalqının dəstəklənməsinin zəruriliyi də vurğulanır.
Bundan əlavə, Aİ tərəfi Mərkəzi Asiyada regional əməkdaşlığı gücləndirməyi, firavanlığı və davamlı inkişafı təmin etməyi, enerji keçidini və karbonsizləşdirməni sürətləndirməyi, sabitliyi, təhlükəsizliyi və mehriban qonşuluq münasibətlərini gücləndirməyi və daha geniş regional inteqrasiyanı dəstəkləməyi vəd edib.
Ticarət və investisiya
Bəyanatda qeyd olunub ki, Mərkəzi Asiya ilə Aİ arasında ticarət və investisiya əlaqələrinin gücləndirilməsi regional və regionlararası ticarətin, eləcə də iqtisadi artımın inkişafı və diversifikasiyası üçün vacibdir.
Bəyannamədə strateji dialoqu və davamlı iqtisadi tərəfdaşlığı təşviq etmək üçün mütəmadi olaraq iqtisadi tədbirlərin keçiriləcəyi, təhlükəsiz, dayanıqlı və şaxələndirilmiş təchizat zəncirlərinə töhfə verərək kritik xammal üzrə əməkdaşlığın artırılacağı bildirilib.
“Aİ və Mərkəzi Asiya iqtisadi artımın və regional inteqrasiyanın sürücüsü kimi dayanıqlı nəqliyyat əlaqələrinin gücləndirilməsinə sadiq olduqlarını bir daha təsdiqləyiblər”, – deyə məlumatda bildirilir. qiymətləndirmə aparılıb.
Bəyanatda Transxəzər Nəqliyyat Dəhlizi və Orta Dəhliz boyu mühüm infrastruktur layihələri üzrə Koordinasiya Platformasını dəstəkləməklə qarşılıqlı bazara çıxışın və uzunmüddətli əməkdaşlığın təmin edilməsinə dair razılığın əldə edildiyi, layihələrin uğurla həyata keçirilməsi üçün ilkin şərtin Cənubi Qafqazda sülh və sabitliyin olması olduğu vurğulanıb.
“Biz iqlim dəyişikliyi, biomüxtəlifliyin itirilməsi və çirklənmə ilə mübarizəni gücləndirmək barədə razılığa gəldik”, – bəyanatda deyilir. Bəyanat daxil edilib.
Suyun Mərkəzi Asiyanın inkişafı və çiçəklənməsi üçün vacib olduğunu xatırladan bəyannamədə Aral bölgəsinin vəziyyətinin yaxşılaşdırılması üçün əməkdaşlığın gücləndiriləcəyi bildirilib.
Özbəkistan prezidenti Şavkat Mirziyoyevin ev sahibliyi etdiyi sammitdə Aİ Şurasının sədri Antonio Kosta və Aİ Komissiyasının sədri Ursula fon der Leyen, həmçinin Qazaxıstan prezidenti Kasım-Jomart Tokayev, Qırğızıstan prezidenti Sadıq Japarov, Tacikistan prezidenti Emomali Rəhman və Türkmənistan prezidenti Serdar Berdiməhəmmədov iştirak ediblər.
Nuranə Məmmədova
