Malayziyanın baş naziri Ənvər İbrahim ABŞ prezidenti Donald Trampın yeni tariflərinə cavab vermək üçün Cənub-Şərqi Asiya Ölkələri Assosiasiyasına (ASEAN) üzv ölkələrlə danışıqlar apardıqlarını açıqlayıb.
Elchi.az xəbər verir ki, Ənvər İbrahim X sosial media platformasında verdiyi açıqlamada İndoneziya, Filippin, Bruney və Sinqapur da daxil olmaqla bir çox ASEAN üzv ölkəsinin liderləri ilə telefon danışığı apardığını bildirib.
Danışıqların ABŞ prezidenti Trampın açıqladığı tariflərə ortaq cavabı koordinasiya etmək üçün aparıldığını bildirən Ənvər, Malayziyanın dövlətlər arasında uzlaşmanı təşviq etmək və bütün ticarət danışıqlarında ədalət prinsiplərini dəstəkləməkdə qərarlı olduğunu vurğulayıb.
Ənver gələn həftə keçiriləcək ASEAN İqtisadiyyat Nazirləri Toplantısında Trampın tariflərinin də müzakirə ediləcəyini və üzv ölkələr üçün ən yaxşı həll yolunun axtarılacağını qeyd edib.
Tramp aprelin 2-də ABŞ-ın digər ölkələrə qarşılıqlı tariflər tətbiq edəcəyini və baza tarif dərəcəsinin 10 faiz olacağını açıqlayıb.
Bu kontekstdə ABŞ ASEAN üzvü İndoneziyaya 32 faiz, Vyetnama 46 faiz, Laosa 48 faiz, Bruneyə 24 faiz, Taylanda 37 faiz, Myanmaya yüzdə 45, Filippinə yüzdə 17, Kambocaya yüzdə 49, Malayyaya yüzdə 10 və Sinqapura yüzdə 4 tarif tətbiq edəcək.
Nuranə Məmmədova
