2 apreli “Azadlıq günü” adlandıran ABŞ prezidenti Donald Tramp yeni gömrük rüsumlarını açıqlayıb. Tramp bütün idxal mallarına 10 faizlik ümumi tarif tətbiq edəcəklərini bəyan edib. Tramp bütün dünyaya gömrük rüsumları yağdırdı və Türkiyəyə 10 faiz gömrük rüsumunun tətbiq ediləcəyini bəyan etdi.
Elchi.az xəbər verir ki, ABŞ prezidenti Donald Tramp ölkəsinin əsas xarici ticarət tərəfdaşlarına tətbiq edəcəyi “cavab” tarifləri açıqlayıb.
“Qarşılıqlı tariflər tətbiq edəcəyik, onlar bunu bizə, biz də onlara edirik” deyən Tramp, bütün idxala 10 faizlik ümumi rüsum tətbiq edəcəklərini bildirib. Tramp gecə yarısından etibarən xarici avtomobillərə 25 faizlik tarif tətbiq ediləcəyini bildirib.
“Türkiyəyə 10 faiz gömrük rüsumu”
Tramp Türkiyəyə 10 faiz, Avropa İttifaqının bütün ölkələrinə 20 faiz, Çinə 34 faiz, İngiltərəyə 10 faiz, Vyetnama 46 faiz, Yaponiyaya 24 faiz, İsveçrəyə 31 faiz, İsrailə 17 faiz, Cənubi Afrikaya isə 30 faiz gömrük rüsumları tətbiq edib.
“2025-ci il aprelin 2-si Amerika sənayesinin yenidən doğulduğu gün, Birləşmiş Ştatların taleyinin bərpa olunduğu gün, ölkəmizi yenidən zənginləşdirməyə başladığımız gün kimi əbədi olaraq yaddaşlarda qalacaq”, – deyə prezident bildirib.
Ölkə liderlərinə xitabən Tramp “Öz rüsumlarınıza son verin, Amerika mallarını alın” deyib.
Tramp qarşılıqlı vergilərin aprelin 3-dən başlayacağını açıqlayıb.
Şayəstə Hüseynova
