Çin, özünün materikini Tayvandan ayıran və suverenlik mübahisəsi ilə üzləşdiyi Tayvan boğazında hərbi təlimlərə başladığını elan edib.
Elchi.az xəbər verir ki, Tayvanın yerləşdiyi bölgədən məsul olan Xalq Azadlıq Ordusunun (PLCA) Şərq Cəbhəsi Komandanlığının sözçüsü polkovnik Xi Yi, “Boğaz daşqını 2025/A” adlı manevrin Tayvan boğazının mərkəzi və cənub bölgələrində həyata keçirildiyini bildirib.
Sözçü Xi vurğulayıb ki, təlim “müəyyənləşdirmə və yoxlama, xəbərdarlıq və dəf etmə, müdaxilə və saxlama” üzərində qurulub və məqsədin bölgənin təşkili və müşahidəsi, blokada və nəzarət və əsas hədəflərə atəş açmaqda qoşunların birgə əməliyyat imkanlarını yoxlamaq olub.
Bu arada, Çin ordusunun dünən başladığı adanı əhatə edən hərbi manevr və sahil mühafizə patrulu davam edir.
Çin ordusu dünən Tayvan adasını əhatə edən hərtərəfli hərbi təlimlərə başladığını açıqlayıb. Quru, dəniz, hava və raket qüvvələrinin iştirak etdiyi təlimdə “dəniz-hava döyüş hazırlığı patrulları, hərtərəfli üstünlük əldə etmək, dəniz və quru hədəflərinə hücumlar, əsas ərazilərin və dəniz yollarının bağlanması” mövzusuna diqqət yetiriləcəyi qeyd edilib.
Çin Sahil Mühafizəsi həmçinin hərbi təlimlə eyni vaxtda Tayvan ətrafında “hüquq-mühafizə orqanlarının patrulları” həyata keçirdiyini açıqlayıb. Sahil mühafizə gəmilərinin bölgədə icazəsiz üzən gəmilərin yoxlanılması, müdaxiləsi, tutulması və həbsi ilə bağlı təlim keçdiyi bildirilib.
Şayəstə Hüseynova
