“Tesla”nın rüblük satışları 13 faiz azalaraq 336,7 min avtomobil təşkil edərək son üç ilin ən aşağı səviyyəsinə enib, analitiklər isə 390 min satış səviyyəsini proqnozlaşdırmışdılar.
Elchi.az xəbər verir ki, bu barədə “Bloomberg” yazır.
Nəşr bu dinamikanı başqa şeylərlə yanaşı, avtomobil istehsalçısının İlon Maska beynəlxalq reaksiya ilə üzləşməsi ilə izah edir. Söhbət ABŞ prezidenti Donald Trampın aparıcı ictimai dəstəkçisi olan milyarderin siyasi fəaliyyətindən gedir.
Dünyanın ən varlı adamı olaraq qalan Mask son həftələrdə on milyardlarla dollar itirir və “Tesla”nın səhmləri Trampın seçkidə qələbəsindən sonrakı həftələrdə rekord həddə çatdıqdan sonra çərşənbə axşamı axşam saatlarında pik nöqtəsindən 44 faiz aşağı düşüb.
Bu, sahibkarın avtosalonların talanları, onları qanunvericilik səviyyəsində bağlamaq cəhdləri və Avropada elektromobillərin satışının 40 faiz azalması fonunda baş verib.
Bu fonda Tramp Maskın biznes idarəçiliyinə qayıtması üçün zəruri olan Hökumətin Səmərəliliyi Departamentinin (DOGE) rəhbəri vəzifəsindən gözlənilən istefasından danışıb.
Yeganə
