Pakistan aprelin 1-dən etibarən Əfqanıstanın “məcburi deportasiya” adlandırdığı təşəbbüs çərçivəsində 80 mindən çox əfqanı repatriasiya edib.
Elchi.az xarici mətbuata istinadən xəbər verir ki, məlumatı Pakistanın Daxili İşlər Nazirliyinin müşaviri Talal Çaudhri təsdiqləyib.
O bildirib ki, 2023-cü ilin sonunda üç milyondan çox əfqan üçün başladılan Qanunsuz Əcnəbilərin Repatriasiyası Planının müddəti artıq uzadılmayacaq.
“Biz bütün əyalətlərə təlimatlar göndərmişik: əgər kimsə qanunsuz miqranta mağaza, ev və s. təqdim edərsə, o, məsuliyyətə cəlb olunacaq”, – T.Çaudhri qeyd edib.
