Çin ABŞ-ın “qarşılıqlı tarifləri” artırması ilə bağlı gərginliyin artması fonunda Avropa İttifaqını (Aİ) ABŞ-ın birtərəfli addımlarına birgə qarşı çıxmağa çağırıb.
Elchi.az xəbər verir ki, Çinin Sinxua agentliyinə istinadən xəbər verir ki, prezident Si Cinpin İspaniyanın Baş naziri Pedro Sançes ilə görüşündə ABŞ-ın tarif artımlarının yaratdığı qlobal ticarət gərginliyinə dair qiymətləndirmələr edib.
Görüş zamanı Si, ölkənin adını çəkmədən ABŞ-ın tarif siyasətini tənqid edərək, tarif müharibəsində qalibin olmayacağını və dünyaya qarşı çıxmağın sonda özünü təcrid etməklə nəticələnəcəyini bildirib.
Çin və Aİ-nin iqtisadi qloballaşma və azad ticarətin tərəfdarları olduğuna diqqət çəkən Si, “Çin və AB birtərəfli zorakılığa qarşı birgə müqavimət göstərməlidir” ifadəsini işlətdi.
İspaniyanın baş naziri Sançes də ABŞ prezidenti Donald Trampın tarif artımının Aİ-nin yeni tərəfdaşlar və yeni bazarlar tapmasına səbəb olacağını və həm Aİ, həm də Çinin “münasibətlərini yenidən nəzərdən keçirməyə” çalışdıqlarını bildirib.
ABŞ-ın “qarşılıqlı tariflər” çərçivəsində tarifləri artırması səbəbindən ticarət gərginliyinin və iqtisadi qeyri-müəyyənliyin artması Brüssel və Pekin arasında yaxınlaşma fürsəti yaradır.
Şayəstə Hüseynova
