Bir aya yaxındır davam edən Rusiya-Ukrayna müharibəsindən dəhşətli görüntülər gəlməkdə davam edir. Müharibənin ilk günlərindən mülki obyektlərə və vətəndaşlara atəş açılmadığını deyən Rusiya, indiyə qədər minlərlə günahsız ukraynalını öldürüb, şəhərləri dağıdıb, mülki şəxslərə və obyektlərə böyük ziyan vurub.
Kiyev vilayətinin İrpin şəhərindən paylaşılan bu görüntülər isə rus ordusunun işğalçı əməllərini bir daha ortaya çıxarıb. Ukrayna mediasında paylaşılan görüntülərdə rusların İrpin şəhərində törətdiyi vəhşiliklər əks olunub.
