İtaliya sahillərində 4,4 maqnitudalı zəlzələ baş verib.
Elchi.az TASS-a istinadən xəbər verir ki, bu barədə ölkənin Milli Geofizika və Vulkanologiya İnstitutu məlumat yayıb.
Zəlzələnin episentri təxminən 974 min nəfərin yaşadığı Neapoldan 12 kilometr qərbdə yerləşib. Yeraltı təkanların ocağı 3 kilometr dərinlikdə olub.
Xəsarət alanlar və ya dağıntılar barədə məlumat daxil olmayıb. Sunami təhlükəsi elan edilməyib.
