Bazar günü Avstriyada keçirilən ümumi seçkilərin ilk nəticələrinə görə, ifrat sağçı Avstriya Azadlıq Partiyası (FPÖ) tarixi qələbə qazanıb.
Elchi.az xəbər verir ki, İlk rəsmi nəticələrə görə, Avstriya Azadlıq Partiyası 29,21 faiz səslə seçkidə birinci olub, Baş nazir Karl Nehammerin partiyası Avstriya Xalq Partiyası (ÖVP) isə 26,48 faiz səslə qalıb. Nəticələrə görə, Avstriya Sosial Demokrat Partiyası (SPÖ) 21,05 faiz, NEOS 8,96 faiz, Yaşıllar isə 8,03 faiz səs toplayıb.
Bu nəticələrə görə, daha əvvəl dəfələrlə Avstriya hökumətlərində özünü tapan FPÖ ilk dəfə seçkilərdə qalib gəldi. FPÖ-nin qələbəsi ilə Avstriyada nasist dövründən sonra ilk dəfə seçkilərdə ifrat sağçılar birinci oldu. Seçki nəticələrinin açıqlanması ilə FPÖ-nün qərargahında qeyd etmələr başlayıb.
Digər tərəfdən, parlamentdə güc sahibi olan partiyaların ifrat sağçı FPÖ ilə koalisiyada olmaq istəməməsi FPÖ-nün liderliyi ilə yeni hökumətin qurulması ilə bağlı gözləntiləri çətinləşdirib. FPÖ lideri Herbert Kickl, seçki nəticələrinin açıqlanmasından sonra verdiyi açıqlamada parlamentdəki bütün partiyalarla əməkdaşlığa açıq olduqlarını açıqladı. “Ölkənin öz xalqının ehtiyacları ilə yenidən əlaqəsi heç vaxt indiki qədər aydın olmamışdı” dedi Kickl.
Avstriya kansleri Karl Nehammer bildirib ki, partiya üzvlərinin ÖVP qərargahında məyus olduqlarını görmək mümkündür. Nehammer nəticələrlə bağlı açıqlamasında “Bu, fərqi aradan qaldırmaq üçün mübarizə apardığımız bir yarış idi, amma bacarmadıq” dedi. Nehammer vətəndaşların maraqları üçün mübarizəni davam etdirəcəyinə söz verib. Seçkilərdə böyük güc itkisi yaşayan ÖVP 2019-cu il seçkilərində təxminən yüzdə 37 səs toplayıb.
Avstriya Azadlıq Partiyası (FPÖ) Qərb ölkələrinin Ukraynaya silah yardımı etməsinə qarşıdır və Rusiyaya qarşı sanksiyaların ləğv edilməsini müdafiə edir. FPÖ lideri Kickl şənbə günü seçki kampaniyasını bitirən çıxışında bildirib ki, Rusiyaya qarşı sanksiyalar Rusiyadan daha çox Avstriyaya zərər verib.
Mühacirətlə bağlı sərt mövqeyi ilə də tanınan FPÖ eyni zamanda sosial yardımın yalnız Avstriya vətəndaşlarına verilməsini, polis gücünün artırılmasını, siyasi İslama qadağa qoyulmasını, yalnız iki cinsin mövcudluğunun konstitusiya tərəfindən tanınmasını və seçicilərin hazırkı hökumətləri devirə bilməsi üçün daha çox referendumun keçirilməsini tələb edir.
Şayəstə Hüseynova
