Qətərin baş naziri və xarici işlər naziri Məhəmməd bin Əbdülrəhman Əl Tani bildirib ki, İsrailin “Qəzza zolağına hücumlarında qida və dərmanlardan silah kimi istifadə etməsi dünyanın alnında utanc ləkəsidir”.
Elchi.az xəbər verir ki, “Qlobal Təhlükəsizlik Forumu 2025” bu il Qətərin paytaxtı Dohada “qeyri-dövlət aktorlarının təsiri və onların qlobal təhlükəsizliyin formalaşmasında rolu” mövzusu ilə başlayıb.
Nazir Əl Taninin himayəsi ilə başlayan və aprelin 30-dək davam edəcək forumda liderlər, hökumət rəsmiləri, təhlükəsizlik ekspertləri və alimlər iştirak edir.
Forumun açılış sessiyasındakı çıxışında Əl Tani bildirib ki, hazırkı münaqişələr kollektiv siyasi iradənin olmaması və xırda maraqların sülh tələblərindən üstün tutulması səbəbindən davam edir; Bu vəziyyətin nəsillərin ümidsiz və çarəsiz böyüməsinə səbəb olduğunu söylədi.
“Bizim həll yollarına baxışımız müharibələrə son qoymaqdan tutmuş inklüziv və həqiqi beynəlxalq öhdəlik vasitəsilə bərpa üçün möhkəm zəmin yaratmağa qədər dəyişir”. “Qəzza, Suriya, Sudan və Ukraynanın uşaqları sadəcə rəqəmlər deyil, onlar bizim gələcəyimizdir; onlar daha təhlükəsiz və daha humanist bir dünya yaratmaqda uğur və ya uğursuzluğumuzun əksidir”, – Əl Tani deyib.
Əl Sani Qəzza və Suriyanın yenidən qurulması kimi məsələlərin çoxsaylı böhranlar səbəbilə beynəlxalq ictimaiyyətin gündəmində sadəcə xəyala çevrildiyini bildirib və bunları qeyd edib:
“Fələstin xalqını dəstəkləmək müzakirə edilə bilən siyasi bir mövqe deyil, daha çox inandığımız ədalət dəyərlərindən irəli gələn mənəvi və humanitar bir öhdəlikdir.
Dünyanın ən ağrılı və ən utanc verici hadisəsi Qəzzada yemək və dərmanların silah kimi istifadə edilməsidir; Uşaqların aclıqdan və soyuqdan ölməsindən xırda siyasi məqsədlərə çatmaq üçün istifadə etmək”.
Nazir Əl Tani Qətərin Qəzzada daimi və hərtərəfli atəşkəs və humanitar yardımın fasiləsiz çatdırılmasını təmin etmək üçün Misir, ABŞ və regional tərəfdaşlarla işləməyə davam edəcəyini vurğulayıb.
Nuranə Məmmədova
