İran Ağ Ev rəhbəri Donald Trampın administrasiyası ilə dolayı danışıqlar yolu ilə razılığa gəlməyə hazırdır.
Elchi.az xəbər verir ki, bu barədə İran prezidenti Məsud Pezeşkiyanın rəsmi saytında məlumat verilib.
” ABŞ ilə danışıqlarda biz milli maraqlarımızı qorumaqla müəyyən edilmiş çərçivədə razılığa gəlməyə hazırıq. Lakin Amerika tərəfi bizimlə bərabər şərtlərlə danışıqlar aparmaq istəməsə, İran öz yolu ilə getməyə davam edəcək”, – siyasətçi vurğulayıb.
Pezeşkian həmçinin bildirib ki, İslam Respublikası münaqişəni gərginləşdirməyə çalışmır, eyni zamanda “təhdid və təzyiqlərə də dözməyəcək”.
İran və ABŞ arasında dolayı danışıqlar aprelin 12-də Omanda baş tutub . İran tərəfini xarici işlər naziri Abbas Əraqçi , Amerika tərəfini isə Trampın xüsusi nümayəndəsi Stiv Vitkoff təmsil edib. “Reuters”in məlumatına görə, ölkələrin nümayəndələri İranın nüvə proqramı ilə bağlı məhdudiyyətlər müqabilində bəzi sanksiyaların yumşaldılmasını müzakirə ediblər.
Nuranə Məmmədova
