Bolqarıstan hökuməti Yekaterin Mixaylova və Yulian Popovun adlarını Avropa İttifaqı (Aİ) Komissiyasına üzvlüyə namizədlər kimi təqdim edib.
Elchi.az xəbər verir ki, Bolqarıstanın baş naziri Dimitar Qlavçev parlamentdə təmsil olunan siyasi qüvvələrin ona təqdim etdiyi namizədlər siyahısından Mixaylova və Popovu seçdiyini bəyan edib.
Qlavçev bildirib ki, Mixaylovanın namizədliyi keçmiş baş nazir Boyko Borisovun rəhbərlik etdiyi Bolqarıstanın Avropa İnkişafı Uğrunda Vətəndaşlar (GERB) partiyası tərəfindən irəli sürülüb.
Mixaylova müxtəlif hökumətlərdə xarici işlər naziri, ədliyyə naziri və regional inkişaf naziri vəzifələrində çalışıb.
Parlamentin ikinci ən böyük siyasi qüvvəsi olan Davamlı Dəyişiklik-Demokratik Bolqarıstan (PP-DB) alyansı tərəfindən namizədliyi irəli sürülən Yuliyan Popov, keçmiş baş nazir Nikolay Denkovun hökumətində ətraf mühit naziri vəzifəsində çalışıb.
Baş nazir Qlavçev bildirib ki, ona 7 namizəddən ibarət siyahı təqdim olunub və bu siyahıdan Mixaylova və Popov seçilib. “Bütün namizədlər çox bacarıqlı idi” Qlavçev deyib.
Şayəstə Hüseynova
