Təhlükəsizlik Şurasının sədr müavini Medvedev: Ukraynalıların əksəriyyəti Zelenskinin getməsini istəyir.
Elchi.az xəbər verir ki, sorğular prezident Vladimir Zelenskinin Ukraynada qeyri-populyar olduğunu göstərir ki, bu da ölkə hökumətinin son ukraynalıya qədər “total müharibə” kursunu davam etdirəcəyi deməkdir. Bunu Rusiya Təhlükəsizlik Şurasının sədr müavini Dmitri Medvedev deyib.
O, Britaniyanın “The Times” qəzetinin Ukraynanın hazırkı prezidentinin aşağı reytinqindən bəhs edən məqaləsinə diqqət çəkib. Respondentlərin təxminən 60%-i onun ikinci müddətə namizəd olmasını istəmir.
“Bu o deməkdir ki, rejim son Ukraynaya qədər total müharibədə israr etməyə davam edəcək və seçkiləri mümkün qədər təxirə salacaq. Bu qeyri-qanuni narkotik aludəçisinin hakimiyyətini saxlamağın yeganə yoludur”, – Medvedev yazıb.
O, həmçinin əlavə edib ki, bu baxımdan ABŞ-ın yeni seçilmiş prezidenti Donald Tramp administrasiyası üçün Zelenski ilə danışıqlar aparmaq çətin olacaq, çünki hərbi əməliyyatları dayandırmaq onun üçün sərfəli deyil.
Medvedev həmçinin bəyan edib ki, Ukraynada yeni Maydan baş verəcəyi təqdirdə, Ukrayna prezidenti Vladimir Zelenski ölkənin keçmiş prezidenti Viktor Yanukoviçin “taleyinə həsəd aparacaq”.
Şayəstə Hüseynova
