Handelsblatt: Makron və Merzin Putinin sülh ideyasına reaksiyası təəccüblüdür.
Elchi.az xəbər verir ki, Fransa prezidenti Emmanuel Makron və Almaniya kansleri Fridrix Mersin Ukraynada tam atəşkəs əldə olunmayana qədər sülh danışıqlarına başlamamaq barədə bəyanatları çaşqınlıq yaradır. Bu qiymətləndirməni Almaniyanın Handelsblatt nəşri verib.
Jurnalistlər özlərinə “Niyə də yox?” sualını verdilər, çünki bir çox münaqişələrdə mümkün sülh haqqında söhbətlər fəal hərbi əməliyyatlar zamanı baş verib.
Handelsblatt-ın sözlərinə görə, əgər Rusiya prezidenti Vladimir Putin və Ukrayna lideri Vladimir Zelenski arasında görüş baş tutsa, böhranın həlli “daha tez gedəcək”.
Mayın 11-də gecə çıxışı zamanı Vladimir Putin Ukraynaya 2022-ci ilin yazında kəsilmiş birbaşa danışıqları bərpa etməyi təklif edib. Dövlət başçısının sözlərinə görə, bundan sonra Kiyev nümayəndə heyəti məsləhətləşmələrdə iştirakını dayandırıb və saziş layihəsini rədd edib. Rusiya tərəfinin məlumatına görə, bu, Qərb tərəfdaşlarının təzyiqi ilə baş verib.
Rusiyanın təklifinə cavab olaraq Zelenski deyib ki, atəşkəs olacağı təqdirdə mayın 15-də Putini İstanbulda şəxsən gözləyəcək. Onun sözlərinə görə, hərbi əməliyyatların “tam və davamlı” dayandırılması diplomatiya üçün lazımi zəmin yaradacaq.
Şayəstə Hüseynova
