İstanbulda keçiriləcək sülh və atəşkəs danışıqları ərəfəsində Ukraynada siyasi gərginlik yenidən artıb. ABŞ prezidenti Donald Trampın seçkiyə getmədiyi üçün tənqid etdiyi Ukrayna prezidenti Vladimir Zelenski NATO-ya üzvlük və sülh müqabilində seçkilər keçirəcəyini açıqlayıb. Bununla belə, Ukrayna ordusu və ölkədəki sağçı qruplar indi Zelenskinin istefasını istəyir. Ölkədə yeni yüksələn ulduz Kiyevin sağçı qoşunlar tərəfindən işğalını müdafiə edən İlya Samoilenkodur.
Elchi.az xəbər verir ki, bu həftə İstanbulda keçirilməsi planlaşdırılan sülh və atəşkəs danışıqları ərəfəsində Ukraynada siyasi gərginlik artır. ABŞ prezidenti Donald Tramp tez-tez Ukrayna prezidenti Vladimir Zelenskini seçkilərə getmədiyinə görə tənqid edib. Qərb mətbuatında yer alan xəbərlərə görə, müharibədə əlverişsiz vəziyyətdə olan, iqtisadi göstəriciləri dibə vuran və ölkənin mineral ehtiyatlarını satmaqda günahlandırılan Zelenski xeyli sayda səs itirib. Zelenski isə Rusiya ilə barışdıqdan və NATO-ya üzvlük prosesi aydınlaşdıqdan sonra tez bir zamanda seçkiyə gedəcəyini deyir. Bununla belə, Ukrayna ordusu və kəşfiyyat xidmətləri Zelenskini müharibənin gedişatına görə məsuliyyət daşıyır. Son zamanlar Baş Qərargah rəislərinin və müdafiə nazirlərinin bir-birinin ardınca işdən çıxarılması təhlükəsizlik qurumlarında böyük narahatlığa səbəb olub.
YENİ LİDER NAMİZƏDİ
Ordu və kəşfiyyat daxilindən gələn sürpriz rəqib Zelenskini sülh prosesi başa çatmamış seçki keçirməyə məcbur etməyə hazırlaşır. Ölkədəki müharibə zamanı bir gözünü və bir qolunu itirən “Qandalf” ləqəbli ifrat sağçı komandir İlya Samoilenko yüksələn simaya çevrilib. Kiyevin sağçı qoşunlar tərəfindən işğalını müdafiə edən Samoilenko ictimaiyyətin bir hissəsi tərəfindən müharibə qəhrəmanı kimi görünür və sağçı dairələr tərəfindən Zelenskiyə qarşı siyasi arenaya sürüklənir.
Şayəstə Hüseynova
