ABŞ prezidenti Donald Tramp Rusiya və Ukrayna arasında 30 günlük “şərtsiz atəşkəs”ə çağırıb və atəşkəsə əməl edilmədiyi təqdirdə “daha geniş sanksiyaların tətbiq ediləcəyi” barədə xəbərdarlıq edib.
Elchi.az xəbər verir ki, Tramp “Truth Social” hesabındakı paylaşımında Rusiya-Ukrayna müharibəsi ilə bağlı danışıqların davam etdiyini bildirib.
“ABŞ qeyd-şərtsiz atəşkəsə, ideal olaraq 30 gün müddətinə çağırır”. Tramp bildirib ki, məqbul atəşkəs əldə olunarsa, Rusiya və Ukrayna danışıqlara “ehtiram göstərdiyinə görə” cavabdeh olacaqlar.
“Əgər atəşkəsə əməl olunmasa, ABŞ və tərəfdaşları daha geniş sanksiyalar tətbiq edəcəklər”, – Tramp bildirib. O, xəbərdarlıq edib ki, onlar Avropa, Rusiya və Ukrayna arasında davamlı sülh yaratmaq əzmindədirlər.
Atəşkəsin sülh razılaşmasına doğru bir addım olması lazım olduğunu bildirən Tramp bütün bunların “qısa müddətdə” edilə biləcəyini müdafiə edib.
“Ümid edirik ki, Rusiya bu təklifə müsbət cavab verəcək”
Digər tərəfdən, Ukrayna prezidenti Vladimir Zelenski Trampa telefonla Ukraynanın bu gündən belə 30 günlük atəşkəsə hazır olduğunu bildirib.
“Ümid edirik ki, Rusiya bu təklifə müsbət cavab verəcək. Mən də Ukraynanın istənilən formatda danışıqlara hazır olduğunu təsdiqlədim”, – Zelenski bildirib.
Şayəstə Hüseynova
