Avropa İttifaqı (Aİ) Komissiyasının sözçüsü Anouar El Anouni İsraili Qəzzaya qarşı blokadanı qaldırmağa və humanitar yardımın daxil olmasına icazə verməyə çağırıb.
Elchi.az xəbər verir ki, Əl-Anouni gündəlik mətbuat konfransında Qəzzadakı vəziyyətlə bağlı açıqlama verib.
“Biz İsrailə Qəzzanın blokadasını aradan qaldırmağa və Qəzza zolağına geniş miqyasda humanitar yardım axınına başlamaq üçün çağırışımızı təkrarlayırıq ”, – deyə Əl Anouni bildirib.
Yanvarın 19-da Qəzza zolağında qüvvəyə minən atəşkəsdən sonra İsrail ordusu martın 18-i səhər saatlarında şiddətli hücumlarını bərpa edib.
İsrail ordusu yenidən hücumlara başladıqdan sonra əksəriyyəti qoca, qadın və uşaq olmaqla 2326 fələstinli həyatını itirib, 6050 nəfər isə yaralanıb.
İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda həyatını itirən fələstinlilərin sayı 52 min 418-ə, yaralıların sayı isə 118 min 91-ə yüksəlib.
Atəşkəsi pozan İsrail, yeni atəşkəs təkliflərini rədd etdiyi səbəbiylə HƏMAS-a qarşı “artan hərbi güclə” hərəkətə keçəcəyini açıqladı.
HƏMAS isə “İsrail verdiyi vədlərə əməl etməyib və atəşkəsdə vasitəçilik edən ölkələr qarşısında öhdəliklərini yerinə yetirməyərək Qəzza zolağında Fələstin xalqına qarşı soyqırımını bərpa edib” deyib.
Nuranə Məmmədova
