Pahalqamda 26 nəfərin həyatını itirdiyi terror hücumundan sonra rəqəmsal sahədə gərginlik artıb.
Elchi.az xəbər verir ki, Pakistanda yerləşən “IOK Hacker” qrupu Hindistan Silahlı Qüvvələri ilə əlaqəli rəqəmsal platformaları hədəf alan koordinasiyalı kiberhücum həyata keçirib.
Ordu İctimai Məktəbinin (APS) Srinagar və Ranikhet saytları, Ordu Rifahı Mənzil Təşkilatı (AWHO) məlumat bazası və Hindistan Hərbi Hava Qüvvələrinin Yerləşdirmə Təşkilatı portalı hakerlərin hədəfinə çevrilib.
Veb səhifələr Pakistan bayrağı və Guy Fawkes maskası məzmunu ilə təhrif edilib. Xüsusilə APS Srinagar saytına Paylanmış Xidmətdən imtina (DDoS) hücumu səbəbindən giriş problemləri yaşandı.
Hücumların Hindistan və Pakistan arasında Nəzarət Xəttində gərginliyin artması ilə üst-üstə düşməsi diqqət çəkir. Yeni Dehli hökuməti Pakistanda yerləşən 16 YouTube kanalına girişi bloklamaqla cavab verib.
Nuranə Məmmədova
