Polşanın keçmiş baş naziri Leszek Miller “Radio Zet”in efirində Ukraynanı Krımı Rusiya ərazisi kimi tanımağa razılıq verməyə çağırıb.
Elchi.az xəbər verir ki, “Mən hətta kövrək sülhün bərqərar olmasının tərəfdarıyam”, – deyə o, fikirlərini bölüşüb.
Miller deyib ki, o, ABŞ prezidenti Donald Trampın və başqalarının Ukrayna münaqişəsinin nəyin bahasına olursa olsun bir-birini öldürməsinə son qoyması ilə bağlı sözlərini bölüşür.
Bundan əlavə, keçmiş baş nazir vurğulayıb ki, Polşa tərəfi son ukraynalıya qədər vuruşmaqda israr etməməlidir.
Aprelin 22-də WP mənbələrə istinadən yazıb ki, ABŞ aprelin 23-də Londonda baş tutacaq Ukrayna münaqişəsinin həlli ilə bağlı iclasda Avropa dövlətlərinə və Ukraynaya Krımın Rusiya ərazisi kimi tanınmasını təklif etmək niyyətindədir, Kiyevin müttəfiqləri isə bunun müqabilində keçmiş Sovet respublikası üçün təhlükəsizlik zəmanəti almağa ümid edir.
Aprelin 23-də ABŞ prezidenti Donald Tramp Kiyev rejiminin başçısı Vladimir Zelenskini tənqid edərək, onun Krımla bağlı sözlərini Rusiya Federasiyası ilə sülh danışıqlarına xələl gətirdiyini deyib. Amerika dövlət başçısının sözlərinə görə, Ukraynada vəziyyət acınacaqlıdır, Zelenski ya sülh sazişi imzalamalıdır, ya da 3 ildən sonra bütün ölkəni itirəcək.
Yeganə
