Pakistanın Bəlucistan əyalətində təhlükəsizlik işçilərini daşıyan avtomobilin yaxınlığında baş verən partlayış nəticəsində 4 nəfər ölüb, 3 nəfər yaralanıb.
Elchi.az xəbər verir ki, polis rəsmisi Naveed Ahmad bildirib ki, Bəlucistanın cənub-qərbindəki Bəlucistanın Kvetta şəhərində yol kənarındakı partlayıcı qurğu partlayıb.
Əhməd partlayış nəticəsində avtomobildə olan 4 mühafizəçinin həyatını itirdiyini, yaralanan 3 nəfərin isə müalicə üçün yaxınlıqdakı xəstəxanalara göndərildiyini bildirib.
Hücuma görə məsuliyyəti hələ heç bir qruplaşmanın üzərinə götürmədiyini qeyd edən Əhməd, hücumun Bəlucistan Azadlıq Ordusu tərəfindən həyata keçirildiyi ehtimalını nəzərdən keçirdiklərini bildirib.
Pakistanın daxili işlər naziri Möhsün Naqvi bombalı hücumu pisləyib və həlak olan təhlükəsizlik qüvvələrinin ailələrinə başsağlığı verib.
Həmçinin Bəlucistan əyalətində martın sonunda baş verən bombalı hücumda 5 təhlükəsizlik işçisi həlak olub, 12-si yaralanıb.
PAKİSTANIN TERROR PROBLEMİ
Pakistanda silahlı və bombalı hücumlar xüsusilə Əfqanıstanla həmsərhəd olan Hayber Paxtunxva və Bəlucistan əyalətlərində cəmləşib.
Hər iki əyalətdə puştun və bəluc etnik qruplarının hüquqlarını müdafiə etdiklərini iddia edən silahlı qruplar Pakistan təhlükəsizlik qüvvələrini və mülki insanları hədəf alan hücumlar həyata keçirib.
İslamabad Pakistan Talibanının Əfqanıstanda yerləşdiyini və hücumlarını oradan təşkil etdiyini iddia etsə də, Əfqanıstan administrasiyası bu iddiaları rədd edir.
Şayəstə Hüseynova
