BƏƏ-də yerləşən Khazna Data Mərkəzləri 100 meqavatlıq AI-hazır məlumat mərkəzi ilə Türkiyə bazarına daxil olur.
Elchi.az xəbər verir ki, BƏƏ-də yerləşən G42 Qrupunun böyük səhmdarı olduğu “Khazna Data Centers” Türkiyədə ilk investisiyasını Ankarada edir. 100 MVt gücündə, süni intellektə hazır modul məlumat mərkəzi şirkətin portfelindəki ən böyük investisiyalardan biri olacaq.
Stanford Universitetinin 2025 Süni İntellekt İndeksinə görə, Türkiyə 2016-2024-cü illər arasında süni intellekt imkanlarını 198% artırıb.
2021-ci ildə Türkiyənin başlatdığı Milli Süni İntellekt Strategiyası ilə sürət qazandı. Ankaraya qoyulan sərmayə bu sürəti qarşılamaq üçün rəqəmsal infrastrukturun böyüməsinə töhfə verəcək.
Məlumat mərkəzi aşağı GWP-li soyuduculardan, günəş panellərindən, HVO generatorlarından və təkrar emal edilmiş materiallardan istifadə edəcək. Khazna yüksək səmərəli adiabatik soyutma, tullantı sularının təkrar emalı və pulsuz soyutma sistemləri ilə enerji səmərəliliyini maksimuma çatdırmağı hədəfləyir. Khazna-nın Türkiyəyə investisiyası 2023-cü ildə BƏƏ ilə imzalanan 50 milyard dollar dəyərində strateji sazişlərdən sonra baş verir. Elə həmin il imzalanan Hərtərəfli İqtisadi Tərəfdaşlıq Sazişi (CEPA) iki ölkə arasında ticarət və texnologiya investisiyalarını sürətləndirdi. “Biz Türkiyənin rəqəmsallaşma prosesinə töhfə verməkdən qürur duyuruq” dedi Khazna baş direktoru Hassan Alnaqbi. BƏƏ-nin Ankaradakı səfiri Səid Əl Dhaheri bildirib ki, bu investisiya iki ölkə arasında münasibətlərin gəldiyi nöqtəni göstərir. İnvestisiya üçün podratçı təyinatının 2025-ci ilin ikinci rübündə edilməsi planlaşdırılır. Obyekt tamamlandıqdan sonra Türkiyənin rəqəmsal ekosisteminə birbaşa töhfə verəcək.
Türkiyə süni intellekt bazasına çevrilir! BƏƏ-nin rəqəmsal lokomotivi Ankarada qurulacaq
