İsrail dünən səhər saatlarından Qəzza zolağının müxtəlif bölgələrində vətəndaşların toplaşdığı evləri və yerləri hədəfə alıb. Hücumlarda aralarında uşaqların da olduğu 51 fələstinli həyatını itirib, çoxlu sayda insan yaralanıb.
Elchi.az xəbər verir ki, Qəzza Mülki Müdafiə İdarəsi İsrailin Qəzza zolağına son hücumları ilə bağlı yazılı açıqlama verib.
Açıqlamalara görə, İsrail dünən səhər saatlarından etibarən Qəzza zolağının müxtəlif bölgələrində həyata keçirdiyi hücumlarda evləri, iki avtomobili və vətəndaşların toplaşdığı yerləri hədəf alıb.
Hücumlarda aralarında uşaqların da olduğu 51 fələstinli ölüb, çoxlu sayda insan yaralanıb.
Səhiyyə Nazirliyinin dünən Qəzzada verdiyi açıqlamada, İsrailin 7 oktyabrdan bu yana Qəzza zolağına təşkil etdiyi hücumlarda ən az 16 min 795-i uşaq və 11 min 378-i qadın olmaqla 41 min 467 fələstinli həyatını itirib, 95 min 921 nəfərin yaralandığı bildirilib
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Şayəstə Hüseynova
