ABŞ-ın Kolorado ştatında bir gecə klubuna edilən basqın zamanı 100-dən çox qeyri-qanuni immiqrantın “cinayət stajı olduğu səbəbi ilə” saxlanıldığı açıqlanıb.
Elchi.az xəbər verir ki, ABŞ Narkotiklərlə Mübarizə İdarəsindən (DEA) verilən açıqlamaya görə, federal araşdırma çərçivəsində Kolorado Sprinqsdəki əyləncə mərkəzində əməliyyat keçirilib.
Açıqlamada bildirilib ki, əməliyyat zamanı qeyri-qanuni yollarla ölkədə olduğu və cinayət törətdiyi deyilən 114 qeyri-qanuni mühacir saxlanılıb və “ehtimal ki, deportasiya olunacaq”.
DEA-nın xüsusi agenti Conatan Pullen verdiyi açıqlamada, narkotik alveri, fahişəlik və zorakılığın törədildiyi iddia edilən gecə klubunda aylardır istintaqın davam etdiyini bildirib.
Pullen 300-dən çox asayiş keşikçisinin iştirak etdiyi kluba basqın haqqında deyib: “Polis qapıya çatanda narkotiklərin çoxu yerə töküldü”. “Həmçinin ya müştəri (klubda) olan, ya da mühafizəçi işləyən təxminən onlarla fəal heyət var idi.” ifadələrdən istifadə etdi.
“Dünən gecə ölkəmizdə qeyri-qanuni olaraq ən pis insanların bəzilərinə böyük basqın edildi. Bunlar narkotik alverçiləri, qatillər və digər zorakı cinayətkarlardır”, – Tramp sosial media saytında Truth Social yazıb.
Ədliyyə naziri Pam Bondi də sosial media hesabındakı paylaşımında sözügedən kluba “tez-tez terrorçular tərəfindən baş çəkdiyini” bildirib.
Tramp yanvarın 20-də vəzifəyə gəldikdən sonra ABŞ-da qeyri-qanuni olan qeyri-qanuni mühacirləri deportasiya edəcəyinə söz verdi və bunu prezidentliyinin əsas məsələlərindən birinə çevirib.
Şayəstə Hüseynova
