Gürcüstanın baş naziri İrakli Kobaxidze hökumətin mühüm xarici siyasət prioritetlərinə malik olduğunu vurğulayıb və əsas məsələnin Gürcüstanın Avropaya inteqrasiyası olduğunu qeyd edib.
Elchi.az-ın xəbərinə görə, hökumət başçısı qeyd edib ki, ölkəni bütün istiqamətlərdə inkişaf etdirmək vacibdir ki, 2030-cu ilə qədər Gürcüstan Avrointeqrasiya məqsədinə çatsın.
Onun fikrincə, bunun üçün mümkün olan hər şey ediləcək. Bu kontekstdə Kobaxidze diqqəti iqtisadi artıma yönəldib və qeyd edib ki, iqtisadi göstəricilər uyğun olmasa, heç kim ölkəni Aİ-yə qəbul etməyəcək.
“Biz münasibətlərin bərpasını gözləyirik ki, bu da gələn ilin əvvəlindən baş verəcək. Bizim Assosiasiya Sazişi və Azad Ticarət Sazişi üzrə konkret öhdəliklərimiz var. Bizim iddialı məqsədimiz 2028-ci ilə qədər hər iki istiqamətdə bu öhdəliklərin 90%-dən çoxunu yerinə yetirməkdir.
Bu, son nəticədə Gürcüstanın bizim 2030-cu ilə qədər qarşıya qoyduğumuz əsas məqsədə, yəni ölkəmizin Avropa İttifaqına tam inteqrasiyasına nail olmasını təmin edəcək. Bu, ölkənin bütün istiqamətlərdə inkişafını, o cümlədən iqtisadi artımı tələb edir. İqtisadi göstəricilər uyğun olmasa, heç kim ölkəni Aİ-nin üzvü kimi qəbul etməyəcək”, – deyə Kobaxidze bildirib.
Yeganə
