Süni intellekt texnologiyalarını inkişaf etdirən “Perplexity AI” şirkəti “NewCo” holdinqinin yaradılmasını nəzərdə tutan qısa videoların yaradılması və baxılması xidməti TikTok ilə birləşmək üçün yeni təkliflə çıxış edib.
Elchi.az xəbər verir ki, bu barədə CNBC telekanalı məlumat yayıb.
Onun sözlərinə görə, Perplexity AI artıq yeni şərtləri həm TikTok-un sahibi olan Çinin ByteDance şirkətinə, həm də potensial investorlara göndərib. Yeni bir holdinq şirkəti olan NewCo yaratmaqdan əlavə, təklif ABŞ hökumətinə platformada 50 faiz paya sahib olmaq imkanı verəcək.
Perplexity AI ilk dəfə yanvarın 19-da TikTok əldə etmək istəyini açıqladı. Orijinal təklif TikTok səhmdarlarına öz səhmlərini saxlamağa və Kaliforniyada yerləşən Perplexity AI-yə xidmətin videolarına giriş imkanı verərdi. İndi güman edilir ki, TikTok səhmdarları yeni holdinqdə səhm ala biləcəklər.
ABŞ prezidenti Donald Tramp şənbə günü yaxın 30 gün ərzində ABŞ-da TikTok-un taleyi ilə bağlı qərar vermək niyyətində olduğunu açıqlayıb. ABŞ prezidenti həmçinin bildirib ki, o, TikTok-un alınmasını “çox nüfuzlu insanlarla” müzakirə edir. Trampın sözlərinə görə, bu sosial şəbəkənin amerikalı istifadəçilər üçün saxlanması ABŞ üçün iqtisadi baxımdan faydalı olacaq.
Yeganə
